Tuesday, February 21, 2017

အားကစားပြုလုပ်သည့် ကလေးငယ်များအတွက် အာဟာရ


   ကလေးငယ်တိုင်းဟာ သင့်တင့်မျှတတဲ့ အာဟာရ ရရှိဖို့လိုအပ်သလို ငယ်ငယ်ကတည်းက အားကစားသမားတွေအဖြစ် လေ့ကျင့်သင်ကြားခဲ့တဲ့ ကလေးငယ်တွေမှာလည်း သာမန်စားသောက်တဲ့ပုံစံထက် စနစ်တကျ စားသောက်နည်းတွေလိုအပ်ပါတယ်။
ဆယ်ကျော်သက်အားကစားသမားတွေက ကောင်းမွန်ပြီး ပြည့်စုံတဲ့ အာဟာရတွေ ရခဲ့မယ်ဆိုရင် အားကစား ပြုလုပ်တဲ့အခါ အကောင်းဆုံးဆောင်ရွက်နိုင်ကြပြီး စွမ်းအင်သုံးရတဲ့ ကစားနည်းတွေဖြစ်တဲ့ လျေလှော်တာ၊ အပြေးပြိုင်တာ၊ ရေကူးတာ စတာတွေကို တစ်နာရီခွဲ  နှစ်နာရီကြာအောင် ပြုလုပ်နိုင်တယ်လို့ လေ့လာချက်တွေအရ သိရပါတယ်။ ဒီတော့ သင့်တင့်မျှတအောင် ဘယ်လို စားသောက်မလဲ၊ ဘယ်လိုဓာတ်တွေက  အရေးအကြီးဆုံးလဲဆိုတာ သိစေဖို့ဖော်ပြလိုက်ပါတယ်။

ကယ်လ်စီယမ်နှင့် သံဓာတ်
ကယ်လ်စီယမ်ဓာတ်က ကလေးငယ်တွေရဲ့ အရိုးကိုသန်မာစေပြီး အရိုးကျိုးကြေတာ၊ အရိုးအက်တာတွေမှ ကာကွယ်ပေးနိုင်ပါတယ်။ ကယ်လ်စီယမ်ဓာတ်ကြွယ်ဝတဲ့ အစားအစာတွေကနော့ အဆီနည်း နွားနို့၊ ဒိန်ချဉ်၊ ချိစ်နဲ့ ပန်းမုန်လာစိမ်းတို့လို  စိမ်းစိုတဲ့ ဟင်းသီးဟင်းရွက်တွေ ဖြစ်ပါတယ်။

သံဓာတ်က ခန္ဓာကိုယ်အတွက်လိုအပ်တဲ့ အောက်ဆီဂျင်ကို သယ်ဆောင်ရာမှာ မရှိမဖြစ် လိုအပ်တဲ့ အစားအစာတွေကတော့ အဆီနည်း  အသားကြက်သား၊ တူနာငါး၊ ဆယ်လမွန်ငါး၊ ဥအမျိုးမျိုး၊  သစ်သီးခြောက်၊ ကောက်နှံစာ နဲ့ အစိမ်းရောင်ရှိတဲ့ ဟင်းသီးဟင်းရွက် တွေ ဖြစ်တာကြောင့် စုံစုံလင်လင် စားသုံးနိုင်ပါတယ်။

ပရိုတင်းဓာတ်
ဂရိုတင်းဓာတ်က အားကစားလုပ်တဲ့ ကလေးတွေသာမက ကလေးငယ်တွေ အားလုံးမှာ ဖွံဖြိုးနေတဲ့ ကြွက်သားတွေကို ပြုပြင်တည်ဆောက်တဲ့နေရာမှာ အရေးကြီးတဲ့ ဓာတ်ဖြစ်ပါတယ်။ ပရိုတင်းဓာတ် ကြွယ်ဝတဲ့ အစာတွေကတော့ ငါးအမျိုးမျိုး ၊အသား အမျိုးမျိုး၊ နို့နဲ့ နို့ထွက်ပစ္စည်းတွေ၊ ပဲအမျိုးမျိုး၊ အခွံမာ အစေ့ အဆန်တို့ဖြစ်ပါတယ်။ ဂရိုတင်းဓာတ်ကို စားသုံးတဲ့အခါ တစ်ခု သတိထားရမှာက ပရိုတင်းများလွန်းရင် ရေဓာတ်ခန်းခြောက်ပြီး ကယ်လ်စီယမ်ဓာတ်တွေ ကုန်ဆုံးသွားတာမျိုး ဖြစ်တတ်တာကြောင့် တန်ဆေး လွန်ဘေးဆိုသလို လိုအပ်သလောက်သာ ကလေးတွေကို ချင့်ချိန်ကျွေးမွေးပါ။

ကာဗို ဟိုက်ဒရိတ်
ကာဗိုဟိုက်ဒရိတ်ဓာတ်တွေက ကလေးတွေရဲ့ ခန္ဓာကိုယ်မှာ လိုအပ်တဲ့ စွမ်းအင်တွေကို ထောက်ပံ့ပေးနိုင်ပြီး အများကြီး စားရင်တော့ ကိုယ်အလေးချိန်တတ်တာမျိုး ဖြစ်နိုင်ပါတယ်။ ဒါပေမဲ့ ကာဗိုဟိုက်ဒရိတ် မရှိပြန်ရင်လည်း စွမ်းအင်ပြည့်ပြည့်ဝဝ အသုံးမချနိုင်တာကြောင့် ပရိုတင်းလိုပဲ စနစ်တကျ တွက်ချက် ကျွေးမွေးသင့်တဲ့ အစာတစ်မျိုးဖြစ်ပါတယ်။
   
ရေဓာတ်
အားကစား ပြုလုပ်တဲ့ ကလေးငယ်တွေ အတွက် နောက်ထပ် အရေးကြီးဆုံးဓာတ်တစ်မျိုးကတော့ ရေဓာတ်ပဲ ဖြစ်ပါတယ်။ ရေများများ သောက်တာကြောင့် ရေဓာတ်ခန်းခြောက်တာကို အဓိက ကာကွယ်ပေးနိုင်ပြီး နောက်ဆက်တွဲ အနေနဲ့ စွမ်းအင်ပြည့်ဝစေတာ၊ ခန္ဓာကိုယ်မျှခြေထိန်းချုပ်နိုင်တာ စတာတွေ ဖြစ်စေပါတယ်။ လေ့ကျင့်ခန်း မပြုလုပ်ခင် ၁၅ မိနစ် ဒါမှမဟုတ် မိနစ် ၂၀  လောက်က တည်းက ရေသောက်ထားသင့်တယ်၊ ကိုယ်ချွေးထွက်များလို့ရေဓာတ်ဆုံးရှုံးတာကို လျှော့နည်းစေတယ်လို့လေ့လာသူတွေ က ဆိုပါတယ်။
   
အားကစားပြုလုပ်တဲ့ ကလေုးငယ်တွေအတွက် စွမ်းအင်ဖြည့်ဖျော်ရည်မျိုးစုံ ရှိပေမယ့် ရေတစ်မျိုးတည်းကသာ ကလေးတွေရဲ့ ခန္ဓာကိုယ်မှာ ရေဓာတ်ပြည့်ဝနေစေနိုင်တယ်လို့ သိရပါတယ်။ ချွေးထွက်များတဲ့ ဆုံးရှုံးလေ့ရှိတဲ့ ဆိုဒီယမ်နဲ့ ပိုတတ်စီယမ် ဓာတ်တွေကို ပြန်လည်ဖြည့်တင်းနိုင်မယ့် အားဖြည့်အချိုရည် မျိုးကို တစ်ခါတလေ သောက်သင့်ပေးမယ့် သကြးဓာတ် ပါဝင်မှုနည်းတာမျိုးရွေးချယ်သင့်ပါတယ်။အချိုဓာတ်ပါဝင်နှုန်းများတာအပြင် ကာဗွန်နိုတ်ဓာတ်အချိုရည်တွေကလည်း အစာအိမ်ကို ကမောက်ကမ ဖြစ်စေတာကြောင့် ဖြစ်နိင်ရင် ရေများများ သောက်ပေးတာကသာ အကောင်းဆုံး ဖြစ်ပါတယ်။
              
အိဖြူ(ဆေးဝါးတက္ကသိုလ်)
Good Health Journal မှကူးယူဖော်ပြသည်။
www.myanmarkidworld.com

#ကလေးကျန်းမာရေး