Monday, January 2, 2017

ဆေးလိပ်သောက်သော ကိုယ်ဝန်ဆောင်များကြောင့် ကလေး၌ ကျောက်ကပ် ပျက်စီးနိုင်


   ကိုယ်ဝန်ဆောင်ချိန်အတွင်း ဆေးလိပ်သောက်သော အမျိုးသမီးများသည် ဆေးလိပ်မသောက်သော အမျိုးသမီးများထက် ကျောက်ကပ်ပျက်စီးသည့် ကလေး မွေးဖွားနိုင်ခြေ ပိုများကြောင်း လေ့လာမှုတစ်ခုက ဖော်ပြသည်။

ကိုယ်ဝန်ဆောင်ချိန်ဆေးလိပ်သောက်ခြင်းကြောင့် လမစေ့ဘဲ မွေးခြင်း၊ ကိုယ်အလေးချိန်လျော့သော ကလေးများ မွေးဖွားခြင်းနှင့် မွေးဖွားချိန် ချွတ်ယွင်းမှုများ ဖြစ်ပေါ်ခြင်းတို့နှင့် ဆက်စပ်နေသည်။ လက်ရှိလေ့လာမှုအရ ကိုယ်ဝန်ဆောင်ချိန် ဆေးလိပ်သောက်ခြင်း ကြောင့် ရင်သွေး၏ ခန္ဓာကိုယ် အင်္ဂါများ ပျက်စီးနိုင်ပြီး အထူးသဖြင့် ကျောက်ကပ်ပျက်စီးနိုင်ကြောင်း သိရသည်။

ဆေးလိပ်သောက်ခြင်းမှ ထွက်ပေါ်လာသော နီကိုတင်းနှင့် အ ခြားသော အန္တရာယ်ရှိသည့် အခိုးအငွေ့များသည် အချင်းတိုင်မှ တစ်ဆင့် ဖြတ်ကျော်၍ ရင်သွေးဆီသို့ ရောက်ရှိသွားနိုင်ကြောင်း သုတေသီများက ပြောသည်။

ကိုယ်ဝန်ဆောင်ချိန် ဆေးလိပ်သောက်သော အမျိုးသမီးများ သည် ကျောက်ကပ်ပျက်စီးသော ကလေးများ မွေးဖွားနိုင်ခြေ ရာခိုင် နှုန်းပိုများသည်ဟု လေ့လာမှုက ဖော်ပြသည်။

ထို့ပြင် နေအိမ်တွင် ဆေးလိပ်ငွေ့တစ်ဆင့်ရှူမိသော ကလေး များသည် ဆေးလိပ်သောက်သူများနှင့် အတူမနေရသော ကလေး များထက် ကျောက်ကပ်ပျက်စီးနိုင်သည့် အန္တရာယ် ပိုများသည်။

အရွယ်ရောက်ပြီးသော ဆေးလိပ်သောက်သူများနှင့် ဆေးလိပ် ငွေ့တစ်ဆင့် ရှူမိသော ကလေးငယ်များ ကျောက်ကပ်ပျက်စီးနိုင် ကြောင်းကို ယခင်လေ့လာမှုများအရလည်း သိရှိပြီး ဖြစ်သည်။

ကိုယ်ဝန်ဆောင်ချိန် ဆေးလိပ်သောက်ခြင်းကြောင့် ရင်သွေး၏ ကျောက်ကပ်အရွယ်အစားကို သေးငယ်သွားစေပြီး နောက်ဆက်တွဲဆိုးကျိုးများ ဖြစ်ပေါ်လာနိုင်သည်ဟု သုတေသီများကပြောသည်။

အမျိုးသမီးများအနေဖြင့် ကိုယ်ဝန်ဆောင်ချိန်တွင် ဆေးလိပ် မသောက်သင့်ဘဲ ကလေးများအနေဖြင့်လည်း ဆေးလိပ်ငွေ့ ကင်း စင်သော နေအိမ်များတွင် နေထိုင်သင့်သည်ဟု သုတေသီများက အကြံပေးထားသည်။

7daydaily မှ ကူးယူဖော်ပြသည်။
www.myanamarkidworld.com

#ကိုယ်ဝန်ဆောင် #ကလေးကျန်းမာရေး