Monday, December 19, 2016

ကလေးဘဝနဲ့စိတ်ကျန်းမာရေး



နိုင်ငံတစ်နိုင်ငံချင်စီရဲ့ယဉ်ကျေးမှုတွေဟာ မတူညီကြသလို အယူအဆတွေဟာလည်း ကွဲပြားကြပါတယ်။ ဒါပေမယ့် နိုင်ငံတိုင်းမှာ မိမိတို့ရဲ့မျိုးဆက်သစ်ကို မတူညီတဲ့ပုံစံတွေနဲ့လေ့ကျင့်ပျိုးထောင်ပေးကြပြီး မိမိတို့နိုင်ငံတိုးတက်အဓွန့်ရှည်ဖို့အတွက် မျိုးဆက်သစ်တွေကို အလေးထားကြပါတယ်။ ဒီအတွက် ဘယ်လိုနေရာက စတင်အလေးထားလေ့ကျင့်ပေးသလဲဆိုရင် ကလေးဘဝကတည်းကဆိုပါတော့။ အခု လက်ရှိကမ္ဘာမှာ တိုးတက်ကြီးပွားနေတဲ့နိုင်ငံတွေကို လေ့လာကြည့်လိုက်ပါ။ မျိုးဆက်သစ်လေးတွေကို အထူးဂရုစိုက်စောင့်ရှောက်ပြီးလေ့ကျင့်ပေးနေကြတာကိုတွေ့ရမှာပါ။ ဒါဟာ လက်ရှိကမ္ဘာမှာ တိုးတက်နေတဲ့ နိုင်ငံတွေနဲ့ပတ်သက်ပြီး မိမိတို့တိုင်းပြည်အနာဂတ်တိုးတက်ဖို့အတွက် လူ့အရင်းအမြစ်ကို ဖွံ့ဖြိုးအောင်လုပ်ဆောင်ရာမှာ ကလေးဘဝကတည်းက စတင်သင့်ကြောင်းလေ့လာသိရှိရပါတယ်။အမှန်တော့ မိသားစုတစ်စုဟာ နိုင်ငံတစ်နိုင်ငံနဲ့ ပမာတူပြီး မိမိရဲ့မိသားစုလေး သားစဉ်မြေးဆက် ကောင်းစွာတိုးတက်ရှင်သန်နိုင်ဖို့ မိသားစုထဲမှာ ရှိတဲ့ကလေးတို့ကို အထုးလေ့ကျင့်ပျိုးထောင်ဂရုစိုက်ပေးဖို့လိုပါတယ်။

 လူ့လောကကြီးကို စတင်ရောက်ရှိလာပြီဆိုကတည်းက လူတစ်ယောက်အနေနဲ့ ရှင်သန်ရပြီဖြစ်ရာ ကလေး၊လူကြီးရယ်လို့ အမည်သတ်မှတ်ပိုင်းခြားပေးထာားပေမယ့် အားလုံးဟာ လူသားတွေ ဖြစ်တာကြောင့် ခံစားမှုချင်းတူညီကြကာ သက်တမ်းအနုအရင့်ကိုလိုက်ပြီး ခံစားမှုကွာသွားတာဘဲဖြစ်ပါတယ်။ အမှန်တော့ လူဖြစ်လာပြီဆိုကတည်းက ခံစားတတ်နေပြီဖြစ်ရာ ဒါဟာ ကလေးဆိုပြီး မျက်ကွယ်ပြုလို့ မရပြီဖြစ်ပါတယ်။တကယ်တော့ ကလေးဆိုပြီး မျက်ကွယ်ပြုခဲ့တဲ့အရာတွေဟာ နောင်တစ်ချိန်မှာ လူ့အရင်းအမြစ်တစ်ခုလုံးကို များစွာ သက်ရောက်မှုဖြစ်စေတတ်ရာ အထူးသတိထားစရာအချက်တစ်ခုမှာ ပါဝင်နေပါတယ်။ “သတိမမူ ဂူမမြင်” ၊ “အမှိုက်ကအစ ပြဿာဒ်မီးလောင်” ဆိုတဲ့ စကားပုံလေးတွေဟာ အလိုအလျောက်ဖြစ်လာတာမဟုတ်တန်ပါ။ ဘာကြောင့်လဲဆိုတော့ ဘယ်အရာမဆို အမှုမဲ့အမှတ်မဲ့လုပ်ခဲ့တဲ့အရာတွေမှန်သမျဟာ နောင်တစ်ချိန်မှာ လူ့ပတ်ဝန်းကျင် လူ့အသိုင်းအဝိုင်းကို များစွာ ဒုက္ခဖြစ်စေတာကြောင့်ဖြစ်ပါတယ်။ ဒါကြောင့် ကလေးတွေဆိုတာ နောင်တစ်ချိန်မှာ လူကြီးအဖြစ် တာဝန်ထမ်းဆောင်ကြမယ့်သူတွေ ဖြစ်တာကြောင့် နောင်အနာဂတ်လှပဖို့အတွက် ဒီကလေးတွေကို ဘယ်လိုပြုစုစောင့်ရှောက်သင့်တယ်ဆိုတာ အရမ်းအရေးကြီးပါတယ်။

ဒီအတွက် ကလေးဆိုတာ “ကလေး” ဆိုပြီး အမှုမဲ့အမှတ်မဲ့ထားစရာ၊ ဆက်ဆံစရာမဟုတ်ဘဲ အထူးဂရုစိုက်အလေးထားဆက်ဆံရမယ့် ပထမတန်းစားလူအုပ်စုထဲမှာ ပါဝင်နေတယ်ဆိုတ သတိထားစရာဘဲဖြစ်ပါတယ်။ ဘာကြောင့်လဲဆိုတော့ လူကြီးတွေရဲ့ပြုမှုဆက်ဆံမှုဟာ ကလေးတိုရဲ့ စိတ်ပိုင်းကျန်းမာရေးကို များစွာ သက်ရောက်စေနေတာကြောင့်ဖြစ်ပါတယ်။ လူကြီးတွေ ပြုမှုဆက်ဆံလိုက်တဲ့အရာတိုင်းဟာ ကလေးတို့ရဲ့ စိတ်နှလုံးသားဝယ် များစွာနေရာယူတတ်ရာ ၊ငယ်စဉ်ကတည်းက သူရရှိခဲ့တဲ့ စိတ်ခံစားမှုတွေဟာ နောင်တစ်ချိန် လူကြီးဖြစ်လာတဲ့အခါ များစွာလွှမ်းမိုးပြီဖြစ်တဲ့အတွက်ကြောင့်ဘဲဖြစ်ပါတယ်။ အများအားဖြင့် မှုခင်းကျူးလွန်မှုများသူတွေကို လေ့လာကြည့်လိုက်တဲ့အခါ သူတို့ရဲ့ငယ်စဉ်ဘဝဟာ နွေးထွေးမှုကင်းမဲ့တဲ့ဆက်ဆံမှုအောက်မှာ ရှင်သန်ခဲ့ရတာများပြီး အစွန့်ပစ်ခံဘဝ၊ အပယ်ခံဘဝတွေ၊ လုံခြုံမှုကင်းမဲ့ခဲ့တာတွေ၊ မိသားစုဆက်ဆံရေး၊ ပညာရေး၊ ကျန်းမာရေး အစရှိတဲ့နေရာတွေမှာ လိုအပ်ချက်များစွာနဲ့  ရှင်သန်ခဲ့ရတာများပါတယ်။ ဆိုလိုတာက ငယ်စဉ်ဘဝကရရှိခဲ့တဲ့ ခံစားမှုတွေဟာ လူသားဆန်မှုတွေနည်းပါးခဲ့ရတော့ ကြီးပြင်းလာတဲ့အခါ လူသားအချင်းချင်း ကြင်နာစွာဆက်ဆံရကောင်းမှန်းသူတို့နားမလည်ခဲ့ကြတာဟာ ငယ်စဉ်ဘဝစိတ်ကျန်းမာရေးနဲ့ များစွာဆက်စပ်နေခဲ့တာကြောင့်ဖြစ်ပါတယ်။

ဒါကြောင့်ကလေးတွေကို ငယ်စဉ်ကတည်းကပင် ကျန်းမာတဲ့စိတ်ထားလေးတစ်ခုဖြစ်စေဖို့ အုပ်ထိန်းသူမိဘတွေဟာ အထူးသတိထားလေ့ကျင့်ပေးဖို့လိုအပ်ပါတယ်။ မိမိတို့ရဲ့ ရင်သွေးငယ်လေးတွေကို ငယ်စဉ်ကတည်းကပင် အလေးထားပြီး  စိတ်ပိုင်းလေးကို လေ့ကျင့်ပျိုးထောင်ပေးထားပါမှ ကျန်းမာတဲ့ စိတ်ထားလေးနဲ့ မိမိကိုယ်ကိုမိမိ ကောင်းစွာ ရှင်သန်ရပ်တည်နိုင်စေသလို လူသားအကျိုးကိုလည်း ပါဝင်ဆောင်ရွက်ပေးနိုင်မှာ ဖြစ်ပါတယ်။ လူတွေမှာ စိတ်တစ်ခုအပေါ်မှာ အခြေပြုပြီး ရပ်တည်ကြိုးစားရှင်သန်နေကြရတာဖြစ်ရာ စိတ်မကျန်းမာဖြစ်နေသူတစ်ယောက်အတွက် ဘယ်လိုနည်းနဲ့မှ လူ့ကောင်းကျိုးကို ပြုနိုင်မှာ မဟုတ်သလို မကောင်းတဲ့စိတ်ခံစားမှုတွေနဲ့မိသားစုနဲ့ လူ့အသိုင်းအဝိုင်းကို ဝန်ထုပ်ဝန်ပိုးဖြစ်စေပါတယ်။ ဒါကြောင့် ဒါက ကလေးဘဲဆိုပြီး ဥပက္ခာပြုမိခြင်းတို့ဟာ မိမိတို့ရဲ့ရင်သွေးစိတ်ကျန်းမာရေးကို ထိခိုက်စေရုံမက တန်ဖိုးအရှိဆုံးဖြစ်တဲ့ လူ့အရင်းအမြစ်အားကိုလည်း ဆုံးရှုံးစေတာဖြစ်တာကြောင့် ကလေးဘဝရဲ့စိတ်ကျန်းမာရေးကို လည်း မမေ့ကြစေဖို့ သတိထားကြစေရန် ဖြော်ပပါတယ်။

yangonlife မှ ကူးယူဖော်ပြသည်။
www.myanmarkidworld.com