Tuesday, November 8, 2016

တရုတ်နိုင်ငံ၌ နို့ပုလဲလက်ဖက်ရည်ထဲမှ အနက်ရောင်အလုံးများကို ဖိနပ်ဆိုးလ်ပြားနှင့် တာယာဟောင်းများမှ ပြုလုပ်ဟု သတင်းထွက်ပေါ်


   တရုတ်နိုင်ငံမှာ လူကြိုက်များတဲ့ ဖျော်ရည်ထဲမှာ သားရေဖိနပ်ဆိုးလ်ပြားတွေနဲ့ တာယာတွေနဲ့ လုပ်ထားတာတွေ ပါတယ်လို့ ယူဆရတဲ့ကြောင်း ဆိုင်ရှင်တစ်ဦးပြောတာကို ကိုးကားပြီး ရှန်ဒေါင်းတီဗီက မကြာမီက ထုတ်လွှင့်သွားပါတယ်လို့ Hong Kong Free Press မှာ ဖေါ်ပြထားပါတယ်။

လူမှုဘဝအစီအစဉ်မှာ သတင်းထောက် ချန်ဒေါင်က ဆိုင်က နို့ပုလဲလက်ဖက်ရည်တစ်ခွက်သောက်ပြီး အနားက ဆေးရုံမှာ CT Scan ရိုက်ပါတယ်။ အစာအိမ်ထဲမှာ နို့ပုလဲလို့ခေါ်တဲ့ အမည်းရောင်အလုံးတွေကို အစာမချေနိုင်ဘဲ ဖြစ်နေတာကို ဓါတ်မှန်ထဲမှာ တွေ့လိုက်ရတယ်လို့ ဆိုပါတယ်။

ဒီစားသောက်စရာကြောင့် ရှန်ဒေါင်းတက္ကသိုလ် ဓါတ်ခွဲခန်းက သိပ္ပံပညာရှင်တွေလည်း တုန်လှုပ်သွားတယ်လို့ ဆိုပါတယ်။

ဒီနို့ပုလဲဆိုတာတွေကို ဘာတွေနဲ့ လုပ်တယ်ဆိုတာ အသေအချာ မပြောနိုင်သေးဘဲ အလွန်စေးကပ်လွန်းတဲ့ ပစ္စည်းတွေနဲ့ လုပ်ထားတယ်လို့ပဲ ဖေါ်ပြထားပါတယ်။

ဒီအစီအစဉ်မှာ ဆိုင်ရှင်တွေကို မေးမြန်းရာမှာလည်း သူတို့မသိဘူးလို့ ဖြေပါတယ်။ ဒါပေမဲ့ ဆိုင်တစ်ဆိုင်က ဖြေတာကတော့ “ဒါတွေကို ဓါတုလုပ်ငန်းတွေက လုပ်တာပါ။ ဒါတွေကို သားရေဖိနပ်ဆိုးပြားတွေနဲ့ တာယာအဟောင်းတွေကနေ လုပ်တာ”လို့ ပြောပါတယ်။


၂၀၁၂ ခုနှစ်က ဂျာမနီတက္ကသိုလ်တစ်ခုက လေ့လာမှုမှာ နို့ပုလဲလက်ဖက်ရည်က ပုလဲအလုံးတွေဟာ ကင်ဆာဖြစ်စေတယ်လို့ ဖေါ်ပြထားပါတယ်။

ဒါပေမဲ့ နို့ပုလဲလက်ဖက်ရည်ဆိုင်တွေဟာ တရုတ်နိုင်ငံ အနှံ့အပြားမှာ ရှိနေတာပါ။ ဒါနဲ့ပတ်သက်လို့ ရှန်ဒေါင်းတီဗီအနေနဲ့တော့ သက်သေပြစရာဖြစ်ရပ်တွေ မရှိပါဘူးလို့ ဆိုပါတယ်။

Thithtoolwin  မှ ကူးယူဖော်ပြသည်။
www.myanmarkidworld.com