Tuesday, November 1, 2016

ခရီးသွားနေချိန် ၀ိတ်တက်မလာစေဖို့ ဒီနည်းလေးတွေ ကျင့်သုံးနိုင်


   ဘယ်သူမဆို ခရီးထွက်ပြီး အပန်းဖြေရတာကို နှစ်ခြိုက်ကြတာချည်းပါပဲ။ သူငယ်ချင်းတွေနဲ့ဖြစ်ဖြစ်၊ ချစ်သူနဲ့ဖြစ်ဖြစ်၊ ကိုယ့်မိသားစုနဲ့ဖြစ်ဖြစ် အပန်းဖြေခရီးထွက်ပြီဆိုရင် ပျော်စရာကောင်းသလောက် ခရီးစဉ်အတွင်း စိတ်ကြိုက်စားသောက်ထားသမျှ  ခရီးစဉ်ပြီးလို့ ပြန်လာပြီဆိုရင်တော့ ကိုယ့်ရဲ့ဘော်ဒီဝိတ်က တက်လာတယ်ဆိုတာ သတိထားမိပြီပေါ့။ ဒီတော့ ခရီးသွားနေတဲ့အချိန်မှာလည်း ၀ိတ်မတက်အောင် ဘယ်လိုနည်းလေးတွေ သုံးပြီး ကိုယ့်ရဲ့ ဘော်ဒီဝိတ်ကို ထိန်းသင့်သလဲဆိုတာ ပြောပြပေးချင်ပါတယ်။

ရှုခင်းတွေကို လှည့်ပတ်ကြည့်ရင်း လမ်းလျှောက်ပါ သို့မဟုတ် စက်ဘီးစီးပါ။

ကိုယ်သွားလည်ပတ်မယ့်မြို့မှာ ကားတွေနဲ့ပဲ လည်မယ်လို့ အစီအစဉ်ဆွဲထားရင်တောင် ကားနဲ့သွားလို့မလွယ်ကူတဲ့နေရာတွေကိုတော့ ခြေလျင်ဖြစ်ဖြစ်၊ စက်ဘီးနဲ့ဖြစ်ဖြစ်သွားလိုက်ပေါ့။ ကိုယ်သွားလာနေတဲ့ ဒေသတွေရဲ့ အံ့သြစရာမြင်ကွင်းတွေ ပန်းရနံ.တွေ၊ ပျော်ရွှင်မှုတွေခံစားပြီး သွားရတဲ့နည်းလမ်းလောက် ကောင်းတာမရှိပါဘူး။ လုံခြုံစိတ်ချရတဲ့ နေရာတွေကို သွားဖို့ သေချာသွားပြီဆိုရင်တော့ ဟိုတယ်က တာဝန်ရှိသူတစ်ဦးကို လမ်းလျှေက်ဖို.့ မြေပုံတောင်းလိုက်ပါ။ ဒါဆို လေ့ကျင့်ခန်းလုပ်ပြီးသား ဖြစ်ပြီပေါ့။

လေယဉ်ကွင်းမှာ လေ့ကျင့်ခန်းလုပ်ပါ။

လေယဉ်စီးမယ်ဆိုရင် ထိုင်ခုံမှာ ထိုင်နေရတဲ့ အချိန်ကတ်ာတော်များပါတယ်။ အဲဒီတော့ လေယဉ်မထွက်ခင် အချိန်လေးယူပြီး လေ့ကျင့်ခန်းလုပ်နိုင်ပါတယ်။ အဲ့ဒီလေ့ကျင့်ခန်းကတော့ လမ်းလျှောက်ခြင်းပါပဲ။ ခြေလှမ်းတွေကို ရေတွက်ပြီး လျှောက်ပေးနေလိုက်ပါ။ ဒါဆို အညောင်းအညာလည်းပြေ လေ့ကျင့်ခန်းလည်းလုပ်သလို ဖြစ်သွားတာမို့ ခရီးသွားနေချိန်အတွင်းတောင် သင့်ဘော်ဒီကို ဂရုစိုက်ရာ ရောက်ပါတယ်။

လေ့ကျင့်ခန်းစင်တာတွေကို လေ့လာစုံစမ်းပါ။

ဟိုတယ်မှာ အခန်းယူတဲ့အခါ လေ့ကျင့်ခန်းစင်တာပါတဲ့ ဟိုတယ်ဖြစ်မဖြစ် စုံစမ်းလိုက်ပါ။ ကိုယ်တည်းတဲ့ ဟိုတယ်မှာ လေ့ကျင့်ခန်းစင်တာ ပါတယ်ဆိုရင်တော့ မနက်အိပ်ရာက ထပြီးတာနဲ့  နောက်ငါးမိနစ်အကြာမှာ လေ့ကျင့်ခန်းစင်တာထဲကို  ၀င်ပြီး လေ့ကျင့်ခန်းလုပ်နိုင်ပြီပေါ့။ မနက်ပိုင်းလေ့ကျင့်ခန်း လုပ်တာဟာ တစ်နေ့တာလုံးအတွက် အစာစားချင်စိတ်ကို ဖြစ်ပေါ်စေသလို တစ်နေ့လုံး လန်းဆန်းတက်ကြွနေမယ်လို့လည်း အာမခံပါတယ်။

အပြင်မှာရှိတဲ့ စိတ်ဝင်စားစရာလေ့ကျင့်ခန်းတွေကို ရှာဖွေပါ။

ခရီးသွားတယ်ဆိုတာ ပျော်ရွှင်ရမယ်၊ စွန်.စားရမယ့် အချိန်လေးပါ။ ဒိုဗင်ထိုးချင်မယ်။ ရေအောက်ငုပ်ချင်မယ်။ မြစ်ထဲမှာလှေလှော်လို့လည်းရတယ်။ ကမ်းခြေမှာဘော်လီဘောကစားလို့လည်းရတယ်။ ရေစကိတ်စီးလို့လည်းရတယ် ဘာလို့လည်းဆိုတော့ ကိုယ်စိတ်ထဲဖြစ်ချင်တာလုပ်ရတာဟာ ကိုယ်အတွက်အောင်မြင်မှုပါပဲ။ ဒီလို ကိုယ်လက်လှုပ်ရှားမှုပြုလုပ်တာကလည်း လေ့ကျင့်ခန်းလုပ်တာနဲ့ အတူတူပါပဲ။

Ref:womenshealthmag
trend myanmar မှ ကူးယူဖော်ပြသည်။
www.myanmarkidworld.com