Friday, October 14, 2016

ဘာသာစကားများကို ဘာကြောင့် သင်ယူသင့်သလဲ


 အခုခေတ်မှာ လူကြီးလူငယ် အများစုဟာ အင်္ဂလိပ် ဘာသာစကားကို Second Language အဖြစ် သင်ယူရုံသာမက အခြား Third Language များကိုလည်း သင်ယူလာကြတာကို တွေ့လာရပါတယ်။ မြန်မာနိုင်ငံမှာ ဂျပန်၊ တရုတ်၊ ကိုရီးယား၊ ပြင်သစ်စတဲ့ ဘာသာစကားများဟာ လုပ်ငန်းခွင် (သို့) ပညာရေး နယ်ပယ်များ အကြားမှာ လွန်စွာမှ ရေပန်းစားလာပါတယ်။ ကမ္ဘာနဲ့အ၀န်းမှာတော့ တရုတ်၊ အင်္ဂလိပ်၊ အာရေဗျ၊ စပိန်၊ ပြင်သစ်စတဲ့ ဘာသာစကားများက အရေးပါဆုံး ဘာသာစကားများ စာရင်းမှာ ထိပ်ဆုံးက အသီးသီး ရပ်တည်နေကြပါတယ်။ 

ဘာသာစကားများရဲ့ အကျိုးကျေးဇူးနဲ့ အခန်းကဏ္ဍ ကတော့ များပြားပါတယ်။ ဒါပေမဲ့ ဘာသာစကား တစ်ခုကို သင်ယူရတာ အချိန်ရော အင်အားပါ လိုအပ်ပါတယ်။ ဘာသာစကား တတ်မြောက်ဖို့ အရေးပါတဲ့ အကြောင်းအရင်း အချို့ကတော့ အောက်ပါအတိုင်း ဖြစ်ပါတယ်။

၁။ ရွှေ့ပြောင်းနေထိုင်ခြင်း
အခြား နိုင်ငံဒေသတစ်ခုကို ရွှေ့ပြောင်း သွားရောက်တော့မယ်ဆိုရင် ဒေသသုံး ဘာသာစကားကို သင်ယူထားခြင်းက ဒေသခံများနဲ့ ပြောဆိုဆက်သွယ်ဖို့ များစွာကူညီပါလိမ့်မယ်။ ထိုကဲ့သို့ လုပ်ဆောင်ခြင်းက ယင်းနိုင်ငံရဲ့ ယဉ်ကျေးမှု ထုံးတမ်းကို စိတ်ဝင်စားကြောင်း၊ လေးစားကြောင်း ပြသရာရောက်ပါတယ်။

၂။ မိသားစုနှင့် အပေါင်းအသင်းများ
အကယ်၍ သင့်မိတ်ဆွေ၊ လက်တွဲဖော် စသည်တို့က လူမျိုးခြားဖြစ်လို့ အခြား ဘာသာ စကားတစ်ခုကို ပြောဆိုတယ်ဆိုရင် ၎င်းဘာသာစကားကို တတ်ကျွမ်းထားခြင်းက သူတို့နဲ့ ပိုမိုထိရောက်စွာ ဆက်သွယ်ဖို့ အထောက်အကူပြုပါတယ်။ ၎င်းက သူတို့ရဲ့ ယဉ်ကျေးမှုနဲ့ အတွေးအခေါ် အယူအဆတွေကိုလည်း ပိုမိုနားလည်စေပါတယ်။

၃။ လုပ်ငန်းခွင်
သင့်ရဲ့အလုပ်က နိုင်ငံခြားသားတွေနဲ့ မကြာခဏ အဆက်အသွယ် လုပ်ရတယ်ဆိုရင် သူတို့ရဲ့ ဘာသာစကားတွေနဲ့ ပြောဆိုဆက်သွယ်ပေးနိုင်ရင် ပိုအဆင်ပြေပါတယ်။ ၎င်းက အရောင်းအ၀ယ်လုပ်ခြင်း၊ စာချုပ်များ ချုပ်ဆိုခြင်းတို့မှာ အသုံးဝင်ပါတယ်။ နိုင်ငံခြား ဘာသာစကားများကို တတ်ကျွမ်းထားခြင်းက အလုပ်သစ်ရှာခြင်း၊ ရာထူးတိုးခြင်း၊ နိုင်ငံရပ်ခြားသို့ ရွှေ့ပြောင်းတာဝန် ထမ်းဆောင်ရခြင်း၊ နိုင်ငံရပ်ခြားသို့ အလုပ်ကိစ္စ ခရီးထွက်ခြင်း တို့အတွက် အခွင့်အရေး ပိုရစေနိုင်ပါတယ်။

သို့ပေမယ့်လည်း အင်္ဂလိပ် စကားပြောတတ်တဲ့ စီးပွားရေး လုပ်ငန်းရှင်များ အထင်မှားကြတာက အင်္ဂလိပ်စာတတ်ရုံနဲ့ ဘယ်နိုင်ငံနဲ့မဆို ပြောဆိုဆက်ဆံနိုင်တယ်။ စကားပြန်များကို သုံးနိုင်တယ် ဆိုတာပါပဲ။ သို့သော်လည်း နိုင်ငံခြား ဘာသာစကားများကို မတတ်ခြင်းကလည်း ဆိုးကျိုးရှိနိုင်တယ် ဆိုတာလည်း နားလည်သင့်ပါတယ်။

 ဥပမာအားဖြင့် အစည်းအဝေးပွဲမှာ အခြားလူတွေက သူတို့ရဲ့ဘာသာစကားနဲ့ သူတို့အချင်းချင်း စကား ပြောဆိုဆွေးနွေးနေကြမယ်ဆိုရင် စကားပြန် လိုအပ်လာပါတယ်။ ဒါပေမဲ့ စကားပြန် အကူအညီရယူခြင်းက ဆိုလိုရင်းကို နှောင့်နှေးသွားစေတတ်လို့ အဆင်မပြေ ဖြစ်တတ်ပါတယ်။

၎။ သုတေသနပြုခြင်း
အခြား ဘာသာစကားများကို သင်ယူခြင်းက သင်လေ့လာနေတဲ့ နယ်ပယ်နဲ့ ပတ်သက်လို့ ပိုပြီး နက်နက်နဲနဲ သိမြင်စေပါတယ်။ ဥပမာအားဖြင့် သင်က ဘရာဇီးနိုင်ငံက ဘာသာစကားကွဲများ အကြောင်းကို သုတေသနပြုချင်ရင် သတင်း အချက်အလက်အများစုကို ပေါ်တူဂီ ဘာသာစကားနှင့် ရေးသားထားတာကို  အများဆုံး တွေ့နိုင်ပါလိမ့်မယ်။

၅။ ခရီးသွားခြင်း
ခရီးသွားတဲ့အခါ အင်္ဂလိပ် ဘာသာစကား တစ်ခုတည်း တတ်တာကလည်းတစ်ခါတစ်ရံမှာ အခက်အခဲ ရှိနိုင်ပါတယ်။ ကိုယ်သွားရောက်တဲ့ နိုင်ငံက နိုင်ငံသားတွေ နားလည်အောင် အင်္ဂလိပ်စကားကို ညှိပြီး ပြောရတာလောက် စိတ်အနှောင့်အယှက် ဖြစ်စရာ အခက်အခဲမရှိတော့ပါဘူး။

နှစ်ဖက်စလုံးရဲ့ မိခင်ဘာ သာစကား မဟုတ်တဲ့အခါမှာ နားလည်မှု လွဲနိုင်တာတွေလည်း ရှိပါသေးတယ်။ အထူးသဖြင့် ဒေသခံများနဲ့ တွေ့ဆုံတဲ့အခါ၊ သတိပေး ဆိုင်းဘုတ်တွေ ဖတ်တဲ့အခါ၊ စားသောက်ဆိုင် မီနူးကတ်ဖတ်တဲ့အခါ ယင်းနိုင်ငံရဲ့ ဘာသာစကားကို အထိုက်အလျောက် သိရှိထားခြင်းက အသုံးဝင်ပါလိမ့်မယ်။

၆။ နိုင်ငံရပ်ခြား ပညာတောင်သင်သွားခြင်း
သင်ဟာ နိုင်ငံခြားမှာ ကျောင်းသွားတက်တော့မယ်ဆိုရင် အဲဒီနိုင်ငံရဲ့ ဘာသာစကားကို တတ်ထားဖို့ လိုအပ်ပါတယ်။ ဒါကြောင့် တစ်ခါတစ်ရံမှာ မသွားခင် လိုအပ်တဲ့ ဘာသာစကားကို သင်ဖို့ သင်တန်းတွေကို ကြိုတက်ထားသင့်ပါတယ်။

၇။ လျှို့ဝှက် ဆက်သွယ်ရေး
 အကယ်၍ သင်နဲ့ သင့်မိတ်ဆွေ၊ မိသားစုဝင်များက လူအနည်းစုသာ နားလည်တဲ့ ဘာသာစကားကို တတ်မြောက်ထားတယ်ဆိုရင် လူအများကြားမှာ အချင်းချင်း လွတ်လွတ်လပ်လပ် ပြောဆိုနိုင်မှာ ဖြစ်ပါတယ်။ ဒါကြောင့်လည်း ပထမကမ္ဘာစစ်နဲ့ ဒုတိယကမ္ဘာစစ်များမှာ လူတွေမပြောသလောက်ရှိတဲ့ ဘာသာစကားများကို လျှို့ဝှက်ကုတ်များအဖြစ် အသုံးပြုခဲ့ကြတာ ဖြစ်ပါတယ်။

၈။ ဘာသာစကားများကို ထိန်းသိမ်းခြင်း
သင်ရဲ့မျိုးရိုး အစဉ်အဆက်ဟာ ပျောက်ကွယ်လုနီးပါး ဖြစ်နေတဲ့ ဘာသာစကားကို လက်ဆင့်ကမ်းပြောဆို ထိန်းသိမ်းလာတယ်ဆိုရင် သင့်ကလေးငယ် မျိုးဆက်သစ်များကို တစ်ဖန်ဖြန့်ဝေသင်ကြားပေးဖို့ မမေ့ပါနဲ့။ ဘာသာစကား တစ်ခု မပျောက်ကွယ်သွားအောင် ထိန်းသိမ်းရာမှာ အနည်းနဲ့အများ အထောက်အကူပြုပါလိမ့်မယ်။

၉။ ယဉ်ကျေးမှုဓလေ့
သင်ဟာ နိုင်ငံတစ်နိုင်ငံရဲ့ စာပေ၊ ရုပ်ရှင်၊ တီဗွီအစီအစဉ်၊ တေးဂီတ၊ အစားအသောက် အစရှိသည် တို့ကို အလွန်စိတ်ဝင်စားတယ်ဆိုရင် ၎င်းနိုင်ငံရဲ့ ဘာသာစကားကို သင်ယူချင်စိတ်က ပေါ်ပေါက်လာမှာ အမှန်ပါပဲ။ အဲဒီအခါမှာ သင်ယူလိုက်ပါ။ စိတ်ဝင်စားမှုကြောင့် သင်ယူရတာ လွယ်ကူမယ့် အပြင် တစ်ချိန်ချိန်မှာ ထိုဘာသာစကားက သင့်ကို အကျိုးတစ်ခုခု ပြုပါလိမ့်မယ်။

သင်ဟာ ဘာသာစကား သတ်သတ်ကို စိတ်ဝင်စားတဲ့သူ ဖြစ်တယ် ဆိုရင်လည်း ဘာသာစကား အသစ်အသစ်တွေ သင်ယူရတာ ပျော်စရာ ၀ါသနာ တစ်ရပ်လို ဖြစ်နေပါလိမ့်မယ်။ တစ်ခါတစ်ရံမှာ ဘာသာစကား နှစ်ခုနှင့် အထက် တတ်မြောက်ထားခြင်းက အထင်ကြီး ဂုဏ်ယူစရာ ဖြစ်ရုံသာမက အခွင့်အလမ်းများကို ပိုမိုရရှိစေပါတယ်။

ကျန်းမာရေး ရှုထောင့်က ကြည့်မယ် ဆိုရင်လည်း သုတေသနပြုချက်များ အရ ဘာသာ စကားအသစ်များ သင်ယူခြင်းက ဦးနှောက် စွမ်းဆောင်ရည်ကို ပိုမိုမြှင့်တင်ပေးတဲ့ အပြင် အသက်ကြီး လာသည် အထိ မှတ်ဉာဏ်ကောင်းမွန်စေပါတယ်လို့ ဆိုပါတယ်။ ဒါကြောင့် ဘာသာစကား တစ်ခုတည်းက မလုံလောက်ပါဘူး။ ခေတ်ရဲ့လိုအပ်ချက်အရ ဘာသာစကားများကို ကျွမ်းကျင်စွာ တတ်မြောက်ထားခြင်းက အရေးပါမှု တစ်ရပ်လို ဖြစ်လာပါပြီ။

 ““သင်ဟာ လူတစ်ယောက်ကို သူနားလည်တဲ့ ဘာသာစကားတစ်ခုနဲ့ စကားပြောဆိုမယ်ဆိုရင် သင့်စကားဟာ သူ့ခေါင်းထဲရောက်သွားမယ်။ အကယ်လို့ သင်ဟာ သူ့ကိုသူ့မိခင် ဘာသာစကားနဲ့ စကားပြော ဆိုပေးမယ်ဆိုရင် သင့်စကားဟာ သူ့နှလုံးသားထဲအထိ ရောက်ရှိသွားပါမယ်။””

Ref: www.omniglot.com
messengernewsjournal မှ ကူးယူဖော်ပြသည်။
www.myanmarkidworld.com