Sunday, June 5, 2016

မသေခင်ကျွေးမှာလား ... သေပြီးမှကျွေးမှာလား ...



ငါ့သား၊ အဖေ့သူငယ်ချင်း အသုဘကို ငါသွားချင်တယ်၊ လိုက်ပို့”
ပြီးခဲ့တဲ့နေ့က အဖေ ကျွန်တော့် အိမ်ရောက်လာပါတယ်။ သူ့ သူငယ်ချင်း ဆုံးလို့ အသုဘကို လိုက်ပို့ပေးချင်ကြောင်း လာပြောပါတယ်။ ကျွန်တော့် အဖေနဲ့ ရွယ်တူဆိုတော့ အသက် ၇၀ ကျော်ပါ။ ကျွန်တော့်ရဲ့ကားပေါ်မှာ အဖေနဲ့ စကားပြောဖြစ်ကြတယ်။
“အဖေ… အဖေ့သူငယ်ချင်းက သားသမီးတွေ မရှိဘူးလား”
“သားတစ်ယောက်၊ သမီးတစ်ယောက်ရှိတယ်”

“အတူမနေကြဘူးလား”
“မနေကြဘူးကွ”

“ဘာဖြစ်လို့လဲ အဖေ”
“ဒီလိုကွ၊ ဒီကောင်ကြီးက နောက်မိန်းမယူထားတာ။ သားသမီးတွေက သူ့ကို အမြင်မကြည်ဘူး။ ဒါကြောင့် သားသမီးတွေနဲ့ ဒီကောင် အဆင်မပြေဘူး။ အခုသေတော့လည်း သူ့သားနဲ့ သမီးဆီကို ငါပဲ အကြောင်းကြားထားတယ်”

“သူက ဘာဖြစ်လို့ နောက်မိန်းမယူတာလဲ အဖေ”
“ဒါတော့ ငါဘယ်သိမလဲ၊ ငါသိတာတော့ သူ့ရဲ့ ပထမမိန်းမ ဆုံးပြီးမှ ဒီမိန်းမကို ယူတာ၊ အဲဒီလို ယူလိုက်တာကြောင့် သားနဲ့ သမီးဟာ သူ့အဖေကို လုံးဝ လှည့်မကြည့်တော့ဘူး”

“ဒါဆိုရင် ဘာဖြစ်လို့ သူ့သားနဲ့သမီးကို စောင့်နေရမှာလဲ အဖေရ”
“ဒါကတော့ သူ့ဆန္ဒပေါ့ကွာ၊ ဒီကောင်ကြီးက မှာသွားလို့ ငါလည်း သူခိုင်းတဲ့ အတိုင်း လုပ်ရတာပေါ့၊ မိဘက သားသမီးကို ချစ်တာ သဘာဝက ဖြစ်လာတဲ့စိတ်၊ တားဆီးလို့ မရဘူး။ သားသမီးက မိဘကို ပြန်ပြီး ပြုစုတာ၊ စောင့်ရှောက်တာ၊ ချစ်တာကျတော့ သဘာဝစိတ် မဟုတ်ဘူး။ မြင့်မြတ်တဲ့ လူသားတွေမှာသာ ရှိတဲ့စိတ်ကွ”

အဲဒီနေ့က တောင်မြင့်သုသာန်မှာ မီးသင်္ဂြိုဟ်ပါတယ်။ အဖေဟာ သူ့ သူငယ်ချင်းကို မီးရှို့ပြီးတဲ့အထိ စောင့်ကြည့်ပါတယ်။ သူ့ သူငယ်ချင်းရဲ့ သားနဲ့ သမီးဟာ ငါးရက်နဲ့ ရက်လည်ချင်ပါတယ်လို့ ပြောပါတယ်။ ဒါကြောင့် အဖေဟာ ဆက်ပြီးကူညီပါတယ်။
ရက်လည်တဲ့နေ့က လူတော်တော်စည်ကားပါတယ်။ အသုဘရှင်ရဲ့ သားနဲ့သမီးဟာ ငွေကြေးရှိသူတွေ ဆိုတော့ ရက်လည်ဆွမ်းမှာ ရက်ရက်စက်စက်ကို လှူပါတယ်။ သူ့အဖေက အသက် ၇၂ နှစ်မို့လို့ သံဃာ ၇၂ပါး ကို ပင့်တယ်။ ဆွမ်းကပ်တယ်။ သင်္ကန်းလှူတယ်။ အရပ်ထဲကလူတွေကို ရက်လည် တရားနာဖို့ ဖိတ်တယ်။ နေ့လည်စာနဲ့ ဧည့်ခံတယ်။ ဒီလိုတွေ စည်စည်ကားကားဖြစ်ဖို့၊ စနစ်တကျဖြစ်ဖို့ ကျွန်တော့် အဖေက အားတက်သရော ကူညီပါတယ်။

ရက်လည်တဲ့နေ့မှာ ရေစက်ချတယ်။ သေဆုံးသူ အဖေအတွက် အမျှပေးတယ်။
အဲဒီရက်လည်ဆွမ်းသွတ်ပြီးတဲ့ ညမှာ အဖေနဲ့ ကျွန်တော် စကားတွေ အများကြီး ပြောဖြစ်တယ်။

“ငါ့သား… ရက်လည်ဆွမ်းကို မင်း ဘယ်လို မြင်တုန်း”
ကျွန်တော် ဘာမှ မဖြေတတ်ပါ။ ကျွန်တော် နားလည်တာက မိရိုးဖလာပါပဲ။ အိမ်တိုင်း အိမ်တိုင်း လူသေဖူးကြတယ်။ ရက်လည်ဆွမ်းသွတ်ကြတယ်။ တချို့လည်း သုံးရက်၊ တချို့လည်း ငါးရက်၊ ခုနှစ်ရက်မှာ ရက်လည်တယ်။ သေဆုံးသူတွေအတွက် ကောင်းမှုကုသိုလ် လုပ်တယ်။ အမျှပေးတယ်။ အမျှရပြီး ကျွတ်ဖို့ လွတ်ဖို့ ရည်ရွယ်ချက်နဲ့ သံဃာတော်တွေကို ပင့်တယ်။ ကျွန်တော်က ဒီလောက်ပဲသိတာ။ ကျွန်တော် သိသလောက် အဖေလည်း သိနေတာမို့ ကျွန်တော် ဘာမှ ပြန်မဖြေတာဖြစ်ပါတယ်။

“ငါ စဉ်းစားမိတယ်။ သားသမီးအတွက် ငါတို့ မိဘတွေသေရင် သားသမီး ၀တ်ငါးပါးထဲက မွေခံထိုက်စေ ဆိုတဲ့ စကားနဲ့ လှူမျှဝေဆိုတဲ့ စကားကိုသာ လိုက်နာကြတာ။ သားသမီး ၀တ်ငါးပါးထဲမှာ ကျန်တဲ့ သုံးပါးကို ဂရုမစိုက်ကြဘူး”

“ဘာကို ဆိုလိုတာလဲ အဖေ”
“ဒီလိုကွာ။ မိဘတွေသေမှ သိန်း၄၀၊ ၅၀ဖိုး အကုန်အကျခံပြီး ရက်လည်ဆွမ်းလုပ်တာထက် မိဘတွေ မသေခင် သူတို့စားချင်တာ ကျွေးဖို့၊ သူတို့ ၀တ်ချင်တာ ၀တ်ဖို့၊ သူတို့ စိတ်ချမ်းသာဖို့က ပိုပြီး အရေးမကြီးဘူးလား။ အခုတော့ကွာ….”

“ဒါဆိုရင် အဖေရယ် မိဘတွေသေမှ အမျှအတန်းဝေတာထက် ကောင်းတာ ရှိသေးလို့လား အဖေရယ်”
“ကျွေးမွေးမပျက်ဆိုတဲ့ ၀တ်ငါးပါးထဲက ပထမတာဝန်ကို မကျေပွန်တဲ့ သားသမီးတွေ အများကြီးပါကွာ။ ငါတို့ မိဘတွေ သားသမီးမကြိုက်တာ တစ်ခုလောက် လုပ်မိရုံနဲ့ ပုံကြီးချဲ့ပြီး ပစ်ထားကြတဲ့ သားသမီးက များတာပါ။ မိဘသေမှ အမျှဝေတာထက် မိဘတွေ မသေခင် ကျန်တဲ့ သားသမီး ၀တ်သုံးပါးကို လိုက်နာသင့်တယ်။ အခုတော့ မိဘတွေသေမှ ရက်လည်ဆွမ်းကို ကြီးကြီးကျယ်ကျယ် ဆောင်ရွက်ပေးရုံနဲ့ သားသမီးတာဝန် ကျေပြီလို့ ထင်နေကြတယ်။ မသေခင်မှာ ကျွေးတာ ပိုကောင်းတာပေါ့။ သေပြီးမှတော့ ကိုယ့်မိဘလောက် ကိုယ့်အပေါ် မစောင့်ရှောက်တဲ့ ကိုယ့်ကို မပြုစုခဲ့တဲ့ တခြားလူတွေကို ငွေကုန်ကြေးကျခံပြီး ကျွေးတာ အဓိပ္ပါယ် မဲ့နေသလို အဖေ ခံစားရတယ်ကွာ။ တကယ်တော့ ကိုယ့်အပေါ်ကို အသက်နဲ့ ရင်းပြီး ချစ်ခဲ့တဲ့ စောင့်ရှောက်ခဲ့တဲ့ မိဘကို ကျွေးသင့်တာပေါ့ကွ”

အဖေ့စကားဟာ အဓိပ္ပါယ်တွေရှိုပါတယ်။

မိဘကို အသက်ရှင်နေတုန်းမှာ ကျွေးမွေးခြင်းလည်း မရှိ၊ စောင့်ရှောက်ခြင်းလည်း မရှိ၊ မိဘသေမှ မိဘပိုင်တာတွေကို အမွေခွဲဖို့ ရင်ထဲမှာက လောဘမီးတွေနဲ့ မျက်နှာမှာက မျက်ရည်တွေနဲ့ မပြေမလည် ဖြစ်နေကြတဲ့ မောင်နှမတွေ အများကြီးပါ။

“အမွေခံထိုက်စေ” ဆိုတဲ့ စကားကို တိတိကျကျလိုက်နာပြီး ကျွေးမွေးမပျက် ဆောင်ရွက်စီမံနဲ့ စောင့်လေမျိုးနွယ် ကို မေ့နေကြတဲ့ သားသမီးတွေက အများစုပါ။ မွေခံထိုက်စေနဲ့ လှူမျှဝေကိုတော့ လိုက်နာကြတယ်။
အဖေပြောတဲ့ စကားတစ်ခွန်းပြောပါရစေ။

“ငါ့သား….. သားသမီးတွေဟာ မိဘတွေသေရင် မိဘတွေကို မြေကြီးထဲ မြှုပ်ပစ်လိုက်ကျတယ်။ သားသမီးတွေသာ ငါတို့ထက် အရင်သေခဲ့ရင် သားသမီးတွေကို ငါတို့ မြေကြီးထဲမှာ မမြှုပ်ဘူး။ ရင်ဘတ်ထဲက အသည်းနှလုံးထဲမှာ မြှုပ်နှံထားကြတာ”

ကျွန်တော်တို့လို သားတွေ၊ သမီးတွေ ကိုယ့်ကိုကိုယ် ပြန်ပြီး စဉ်းစားကြည့်ကြရအောင်နော်...။


Credit: ဦးဘုန်း (ဓာတု)