Tuesday, October 27, 2015

ခေါင်းဆောင်ကောင်းတို့ရဲ့လုပ်ဆောင်ချက်များ















 လုပ်ငန်းခွင်တွေထဲမှာ  အလုပ်သမားခေါင်းဆောင်၊ အဖွဲ့ခေါင်းဆောင်၊ဝန်းထမ်းတွေကို ကြီးကြပ်ရသူဆိုပြီး  အမည်နာမအမျိုးမျိုးနဲ့ရှိကြပါတယ်။ အမှန်တကယ်တော့ လက်အောက်ငယ်သားတွေကို အုပ်ချုပ်ရသူ ၊ဦးဆောင်ရသူမှန်သမျဟာ  ခေါင်းဆောင်ဘဲဖြစ်ပါတယ်။ခေါင်းဆောင်လို့ဆိုရာမှာ  သူတို့ဟာ လုပ်ငန်းခွင်အတွင်းအလုပ်သမားတွေနဲ့ပတ်သက်ပြီး အရာအားလုံးကိုအာရုံစိုက်ကြရက အလုပ်ကိုအောင်မြင်စွာ  ပူးပေါင်းလုပ်ဆောင်နိုင်ဖို့များစွာ   ဦးစီးဦးရွက်ပြု လုပ်ရခြင်းဘဲဖြစ်ပါတယ်။ရရှိခဲ့တဲ့အတွေ့အကြုံတွေ ၊အဖြစ်အပျက်တွေကို အခြေခံပြီး လူအမျိုးမျိုး နဲ့စိတ်အထွေထွေ တို့အတွက်  ပြသနာရပ်တွေကိုရင်ဆိုင်ဖြေရှင်းရခြင်း၊  လက်အောက်ငယ်သားတို့အဆင်ပြေစေဖို့ ညှိုနှိုင်းဆောင်ရွက်ပေးရခြင်း၊  လုပ်ငန်းကိုတိုးတက်အောင်မြင်စေဖို့  လုပ်သားတွေကို စိတ်အားမြှင့်တင်ပေးရခြင်း  အစရှိတဲ့ကြိုးပမ်းဆောင်ရွက်ရမှုတွေဟာ  အလုပ်တိုင်းမှာ ဦးဆောင်ပြီး  တာဝန်ယူလုပ်ဆောင်နေရတဲ့   ခေါင်းဆောင်တစ်ယောက်ရဲ့အရည်အသွေးတွေဘဲဖြစ်ပါတယ်။

တစ်ချို့မှာ ခေါင်းဆောင်မှုပိုင်းမှာ  ကျွမ်းကျင်လိမ္မာမှုရှိကြပြီး  သမာသမကျကာ  လုပ်သားများရဲ့ချစ်ခင်လေးစားမှုကို  ရရှိတတ်ကြပါတယ်။ ဘယ်လိုကြိုးပမ်းဆောင်ရွက်မှုက သူ့ကို အောင်မြင်တဲ့ခေါင်းဆောင်ကောင်းတစ်ယောက်ဖြစ်စေတာလဲ။  အောက်ဖော်ပြပါအလေ့အကျင့်တို့က  အောင်မြင်တဲ့ခေါင်းဆောင်တစ်ယောက်ရဲ့ဆောင်ရွက်ချက်တွေဖြစ်ကြောင်း လေ့လာဖော်ပြပေးလိုက်ပါတယ်။

အဖွဲ့ရဲ့အားသာချက်ကိုအခြေခံပြီး လုပ်ဆောင်တတ်ခြင်း

အောင်မြင်တဲ့ခေါင်းဆောင်တစ်ယောက်ဟာ  လက်အောက်ငယ်သားတို့အား  ပွင့်လင်းစွာဆွေးနွေးပြောဆိုနိုင်ဖို့ တွန်းအားပေးတတ်ပြီး  အလုပ်ကို ကြိုးစားပမ်းစားလုပ်ချင်စိတ်ဖြစ်အောင်  စိတ်အားပေးတတ်ကြပါတယ်။ အလုပ်သမားတို့နဲ့ပတ်သက်ပြီး  အားသာတဲ့အချက်တွေကိုလေ့လာဆန်းစစ်တတ်ကာ   ပုန်းလျိုးနေတဲ့အရည်အသွေးတွေကို ထုတ်ဖော်ပေးတတ်ကြပါတယ်။ ပြီးတော့ အားသာတဲ့အချက်တွေကို  အခြေခံပြီး အလုပ်ကိုအောင်မြင်အောင်  စည်းရုံးလုပ်နိုင်စွမ်းရှိကြပါတယ်။

အဖွဲ့နဲ့ပူးပေါင်းဆောင်ရွက်တတ်ခြင်း

လုပ်ငန်းတစ်ခုမှာ  ခေါင်းဆောင်တစ်ယောက်ရဲ့ပြတ်သားစွာ  လုပ်ဆောင်တတ်မှုဟာ   လက်အောက်ငယ်သားတို့ကိုများစွာ ကူညီရာရောက်စေပါတယ်။ ပြတ်သားစွာလုပ်ဆောင်မှုမရှိခြင်းဟာ  လုပ်ငန်းခွင်ထဲလက်အောက်ငယ်သားတို့ကိုများစွာ  စိတ်ဖိစီးမှုများစေပါတယ်။အလုပ်တစ်ခုအတွက် အဖွဲ့ရဲ့အမြင၊်ဆွေးနွေးချက်တို့ကိုရယူပြီးဆောင်ရွက်တတ်ခြင်း၊  တစ်ဦးချင်းစီရဲ့အတွေ့အကြုံတွေကိုဖလှယ်ခွင့်ပြုကာ အကောင်းဆုံးတစ်ခုကိုတိုင်ပင်ဆွေးနွေးလုပ်ဆောင်တတ်ကြပါတယ်။ အဖွဲ့ခေါင်းဆောင်အနေနဲ့ မိမိတစ်ဦးတည်းအမြင်နဲ့ ဆုံးဖြတ်တာတွေကို  ရှောင်ရှားပြီးအဖွဲ့နဲ့ ပူးပေါင်းဆောင်ရွက်တတ်ကြပါတယ်။

တာဝန်ယူစိတ်ရှိခြင်း

မိမိလုပ်ဆောင်တဲ့တာဝန်နဲ့ ပတ်သက်ပြီး တာဝန်ယူလိုစိတ်  အပြည့်ရှိကြပါတယ်။ အဖွဲ့အတွက်ကောင်းကျိုးကို မိမိကောင်းကျိုးအဖြစ် စေတနာထားတတ်ကြကာ  ခေါင်းဆောင်ကောင်းပီသစွာ  အနစ်နာခံနိုင်စွမ်းရှိကြပါတယ်။ အဖွဲ့ကိုဦးဆောင်ရာမှာ အပြုသဘောဆောင်ပြုမူမှုတို့ကို အခြခံထားတတ်ကြပြီး အခြေခံဇစ်မြစ်ကိုလိုက်ပြီး ပြဿ      နာကို  ဖြေရှင်းတတ်ကြပါတယ်။

ပြတ်သားစွာ ဆုံးဖြတ်ချက်ချတတ်ခြင်း

မိမိတာဝန်ယူလုပ်ဆောင်ရမယ့်ကိစ္စရပ်တစ်ခုအတွက်  ပြတ်သားစွာ ဆုံးဖြတ်ချက်ချတတ်သလို  ဖြစ်ပေါ်လာတဲ့အခြေအနေအပေါ်မူတည်ပြီး ရဲရင့်စွာရင်ဆိုင်တတ်ကြပါတယ်။ အဖွဲ့အတွက် မားမားမတ်မတ် ရပ်တည်ပေးတတ်ကြကာ  ရှေ့ဆောင်သူတစ်ယောက်အနေနဲ့ အတုယူရလောက်အောင်ဇွဲကောင်းကောင်းနဲ့  လုပ်ဆောင်တတ်ကြပါတယ်။

အကြံပြု ချက်၊ဝေဖန်ချက်တို့ကိုလိုလားလက်ခံခြင်း

အဖွဲ့နဲ့ပတ်သက်လို့ဖြစ်စေ၊  မိမိရဲ့ဦးဆောင်မှုနဲ့ပတ်သက်လို့ဖြစ်စေ ၊ ဝေဖန်အကြံပြု ချက်တို့ကိုလိုလားနှစ်သက်တတ်ကြပါတယ်။မိမိဆောင်ရွက်လိုက်တဲ့ ကိစ္စရပ်တစ်ခုအပေါ် အမြဲတမ်းမှန်ကန်တယ်လို့  မယူဆတတ်ကြဘဲ  အဖွဲ့ရဲ့အကြံပြု ချက်၊ ဝေဖန်ချက်တို့ကိုနားထောင်ပြီး  မိမိကိုယ်မိမိ ပြန်လည်ဆန်းစစ်ပြု ပြင်တတ်ကြပါတယ်။ မိမိကြောင့်အဖွဲ့ဝင်တစ်ဦးဦး  ထိခိုက်နစ်နာမှာကို  အထူးရှောင်ရှားတတ်ကြပြီး  အမှန်တရားအတွက်  ရဲဝံ့စွာ ရင်ဆိုင်ရဲသူများဖြစ်ကြပါတယ်။ဒါကြောင့်အဖွဲ့ရဲ့ ယုံကြည်မှု၊ ချစ်ခင်လေးစားမှုတို့ကိုရရှိကာ  လက်အောက်ငယ်သားတို့ရဲ့  ချစ်ခင်မှုကိုရရှိတတ်ကြပါတယ်။

ဒါဟာ လုပ်ငန်းခွင်အတွင်းမှာ  တာဝန်ယူဦးဆောင်နေရတဲ့အခါ  အောင်မြင်စွာ ဦးဆောင်နိုင်သူတို့မှာတွေ့ရတဲ့  အခြေခံအချက်အလက်တွေဘဲဖြစ်ပါတယ်။ မိမိအတွက် ဆိုတဲ့အတ္တစိတ်နည်းပါးကာ   အဖွဲ့အတွက်ဆိုတဲ့  စေတနာစိတ်ထားတတ်ကြကာ  အဖွဲ့သားတွေရဲ့အောင်မြင်၊အဆင်ပြေမှုကို မိမိရဲ့အောင်မြင်မှု၊အဆင်ပြေမှုအဖြစ်ခံစားကျေနပ်ကြသူများဖြစ်တယ်ဆိုတာ  ဗဟုသုတအဖြစ်ဖော်ပြပေးလိုက်ပါတယ်။

Credit: yangonlife မှ ကူးယူဖော်ပြသည်။